Bugun.tv xəbər verir ki, İçərişəhər ərazisində bayram tonqalının qalanması ilə “Bayram qalası”na start verilib.
Bu barədə İçərişəhər Dövlət Qoruq İdarəsinin rəsmi Facebook səhifəsində məlumat verilib.
İçərişəhər sakinləri, İçərişəhər Ağsaqqallar Şurasının üzvləri, yerli ziyarətçilər və xarici turistlərin iştirakı ilə qalanan tonqal ətrafında bayram ab-havası davam edib.
Tədbir konsert proqramı ilə müşayiət olunub.
“Bayram qalası” günləri martın 26-dək davam edəcək və bu günlərdə uşaqlar üçün ustad dərsləri, mühazirələr və konsert proqramları təşkil olunacaq.
Tədbirlərin proqramı Qoruq İdarəsinin rəsmi sosial şəbəkə hesablarında gündəlik dərc ediləcək.
