Birləşmiş Ərəb Əmirlikləri (BƏƏ) tezliklə yeni atom elektrik stansiyasının tikintisi üçün tender açacaq. ABŞ-ın təhlükəsizlik üzrə tərəfdaşı olan Birləşmiş Ərəb Əmirlikləri (BƏƏ) 2021-ci ildə Cənubi Koreyanın Əbu-Dabidə inşa etdiyi Bərəkah obyektini açaraq nüvə elektrik stansiyasını idarə edən ilk ərəb dövləti oldu.
Məsələ ilə bağlı birbaşa məlumatı olan və adının çəkilməsini istəməyən mənbələr bildiriblər ki, BƏƏ bu il, ehtimal ki, yaxın bir neçə ay ərzində dörd yeni reaktor tikmək üçün təkliflər almağı planlaşdırır. Mənbələr bildiriblər ki, BƏƏ bu il tenderin keçirilməsini və elektrik stansiyasının tikintisinə başlamağı hədəfləyir ki, yeni qurğu 2032-ci ilə qədər istismara verilsin və proqnozlaşdırılan enerji tələbatını ödəsin.
Mənbə: Ntv.Tr