Bugun.tv xəbər verir ki, Birləşmiş Ərəb Əmirlikləri (BƏƏ) İranla bütün ticarət fəaliyyətlərinin, alış-verişlərin və maliyyə əməliyyatlarının ikinci bir açıqlamaya qədər dayandırıldığını elan edib.
Qərar Yaxın Şərqdə ABŞ və İran arasında qarşılıqlı hücumlar fonunda gərginliyin daha da artmasından sonra qəbul edilib.
BƏƏ İrana qarşı yeni qərar qəbul edib
İranın ABŞ hərbi qüvvələrinin yerləşdiyi region ölkələrinə hücumlarından sonra BƏƏ Tehranla bağlı diqqətçəkən qərar verib.
BƏƏ Xarici İşlər Nazirliyi İranla bütün ticarət və iqtisadi fəaliyyətlərin, eləcə də maliyyə əməliyyatlarının növbəti açıqlamaya qədər dayandırıldığını bildirib.
İran BƏƏ-nin raket açıqlamasını rədd edib
İran Xarici İşlər Nazirliyinin sözçüsü İsmayıl Bəqai BƏƏ-nin İran ərazisindən ölkəyə doğru raket atıldığı barədə açıqlamasını rədd edib.
Bəqai bildirib ki, regiondakı bütün tərəflər İrana qarşı əsassız ittihamlar irəli sürməkdən çəkinməlidirlər. O, ABŞ və İsrailin regional sülh və təhlükəsizliyə qarşı fəaliyyət göstərdiyini və daha əvvəl çoxsaylı “saxta bayraq” əməliyyatları həyata keçirdiyini iddia edib.
İran rəsmisi BƏƏ-nin Tehrana yönəltdiyi ittihamların “yaxşı qonşuluq prinsipinə zidd olduğunu” və region ölkələri arasında etimadın gücləndirilməsi səylərinə zərər vurduğunu bildirib.
Gərginlik qarşılıqlı hücumlarla artır
BƏƏ-nin qərarı ölkənin Müdafiə Nazirliyinin İran tərəfindən atıldığı müəyyən edilən iki ballistik raketin dəniz gəmiçiliyini hədəf aldığını və raketlərin dənizə düşdüyünü açıqlamasından sonra verilib.
Yaxın Şərqdə gərginlik ABŞ və İsrailin İrana birgə hücumlarından sonra daha da yüksəlib. Tehran isə buna cavab olaraq ABŞ hərbi qüvvələrinin yerləşdiyi BƏƏ də daxil olmaqla regiondakı bir sıra ölkələrə hücumlar həyata keçirib.
ABŞ-İran danışıqları yarımçıq qalıb
İran və ABŞ iyunun ortalarında Pakistanın vasitəçiliyi ilə müharibəyə son qoyulması və davamlı sülh razılaşmasına nail olunması məqsədilə anlaşma memorandumu imzalayıb.
Lakin sənədin şərtləri və qlobal enerji ixracı baxımından böyük əhəmiyyət daşıyan Hörmüz boğazında gəmiçilik məsələsi ilə bağlı fikir ayrılıqları davam edib. Nəticədə tərəflər arasında danışıqlar sonradan dayandırılıb.
BƏƏ-nin İranla ticarət və maliyyə əlaqələrini dayandırması regionda gərginliyin iqtisadi münasibətlərə də təsir göstərdiyini nümayiş etdirir.
Mənbə: Anadolu Agentliyi