ABŞ-da Miçiqan məktəb şurası artan təhlükəsizlik narahatlıqlarına cavab olaraq məktəb binalarında bütün bel çantalarını qadağan edib.
Flint Community məktəbləri keçən həftə bel çantalarının qadağan ediləcəyini və qadağanın tədris ilinin qalan hissəsi üçün qüvvədə olacağını açıqlayıb.
“Biz tələbələrimiz, ailələrimiz, müəllimlərimiz və işçilərimizə təhlükəsiz mühit yaratmaq üçün əlimizdən gələni edirik. Çanta qadağasının səbəbi, məktəbə gətirilən silahlar da daxil olmaqla, ölkə daxilində təhdidedici davranışların artmasıdır”- məktəb nəzarətçisi Kevin Cons deyib.
“Bel çantaları tələbələrə sökülə bilən, aşkarlanması və ya ciblərində, kitabların içərisində və ya digər əşyaların altında gizlədilməsi çətin olan silahları saxlamağı asanlaşdırır. Buna görə də keçən may ayında Texas ştatının Uvalde şəhərində Robb İbtidai Məktəbində 19 şagird və iki müəllimin ölümü ilə nəticələnən atışmadan sonra məktəblər şagirdlər üçün şəffaf kürək çantalarından istifadəni məcbur edən siyasət həyata keçirməyə başladılar. Lakin, bu da problemi həll etmədi” – deyə məlumatda vurğulanıb.
Mənbə: TRT