Bugun.tv xəbər verir ki, Kiçik və Orta Biznesin İnkişafı Agentliyi (KOBİA), Azərbaycan Korporativ İş Adamları Birliyi (AKİAB) və KOB Subyektləri Klubları Assosiasiyasının (KOBSKA) birgə təşkilatçılığı ilə “IBF-2023” biznes sərgisi keçiriləcək.
Biznes fürsətləri bir arada olan “International Business Festival 2023” adlı biznes sərgisində inşaat, aqro-qida və xidmət sahəsində fəaliyyət göstərən şirkətlər iştirak edəcək.
Hər zaman Azərbaycanda biznesin inkişafına dəstək olmuş Ümummilli liderimiz Heydər Əliyevin 100 illiyinə həsr olunmuş tədbirin məqsədi, ölkədə yerli sahibkarların, o cümlədən xarici iş adamlarının öz məhsul və xidmətlərini daha geniş kütləyə tanıtması, habelə B2B, B2C fürsətlərdən yararlanma imkanının təmin edilməsidir.
Sərginin media tərəfdaşları “Xəzər TV”, “APA GROUP” və “Biznes Mərkəzi”-dir.
Mənbə: KOBİA