Bugun.tv xəbər verir ki, Əskişəhərin Odunpazarı rayonunda tullantı materialının yığıldığı evdən təxminən 45 ton zibil çıxarılıb. Əskişəhərin Odunpazarı Bələdiyyəsindən verilən məlumata görə, ətrafdakı sakinlər Vişnelik məhəlləsi Şehit Mustafa Ay küçəsində ana və oğulun yaşadığı mənzildən gələn pis qoxulardan şikayətləniblər.
TRT Haber-in məlumatına görə, bunun üzərinə İl Gigiyena Şurasının qərarı ilə Bələdiyyə Təmizlik İşləri Müdirliyi və polis qrupları bu ünvana gəldi. Komandalar evin bütün otaqlarında və bağçasında uzun müddətdir gözləyən tullantıların çıxarılması üçün işlərə başlayıb. Çürük ərzaq məhsulları, paltarlar, plastik butulkalar, qutular, çantalar və kağızlardan ibarət zibil yığılıb.
Komandalar 45 ton zibil çıxardıqları evi təmizləyəcək və yaşayış üçün yararlı hala gətirəcəklər.