Bugun.tv xəbər verir ki, bir qurup yeniyetmə Sidneydə istifadəsiz bir binada yanğın törədib. Yanğın gecə boyunca davam edib və Sidneyin mərkəzindəki binanın “əhəmiyyətli struktur çökməsinə” səbəb olub.
Avstraliya polisinin verdiyi məlumata görə, bina yanğın zamanı dağıldıqdan sonra iki yeniyetmə “təslim olub”. Məlumata görə yanğın zamanı binada 15 nəfər xuliqan gecələyib. Polis indiyədək həmin şəxslərdən 13-ü ilə əlaqə saxladıqlarını bildirib. Xəsarət alanların olub olmaması barəsində açıqlama verilməyib.
Mətbuat konfransında danışan komissarın köməkçisi vəzifəsini icra edən Paul Dunstan, 13 yaşlı iki uşağın cümə axşamı gecəsi “təslim olduğunu” və “polisə sorğularda kömək etdiyini” söyləyib. Həmçinin Dunstan “yanğın zamanı iştirak edən” digər “üç-dörd gənci” valideynləri ilə birlikdə məsələni aydınlaşdırmaq üçün polisə kömək etməyə çağırıb.
Əlavə olaraq qeyd edilib ki, şəkillərdə binanın divarlarından birinin uçması əks olunub. Faktla bağlı araşdırmaların davam etdiyi bildirilib.
Mənbə: CNN