Yanvarın 7-dən ABŞ-ın Kaliforniya ştatının Los-Anceles şəhərində yanğınlarla mübarizə aparılsa da, ölkənin cənubunda və şimalında da qar fırtınası davam edir. Los-Ancelesdə baş verən yanğınlarda 28 nəfər, qar fırtınası nəticəsində 11 nəfər həlak olub.
Los-Anceles yanğınlarına yeni yanğınlar əlavə edilib. Kastaik gölünün ətrafında başlayan Hughes yanğını qısa zamanda geniş əraziyə yayılıb. Los-Anceles yanğınlarının hələ nəzarət altına alınmadığı bir vaxtda başlayan yeni yanğınlarda can itkisinin olmaması təsəlliverici olsa da, qar fırtınası ilə mübarizə ölkənin cənubunda və şimalında başlayıb və 11 nəfər həyatını itirib.
Los-Ancelesdə baş verən yanğınlarda ölənlərin sayı son vaxtlar 28-ə yüksəlib.
Fırtına səbəbindən minlərlə reys təxirə salınsa da, yollar iflic olub. Bir çox bölgələrə son 130 ildə görüldüyündən daha çox qar yağıb.
Səlahiyyətlilərin verdiyi açıqlamalara görə, Texasda 7, Alabamada 2, Corciyada 1 və Viskonsin ştatında 1 nəfər ölüb. Texasdan Cənubi Karolinaya qədər təxminən 11 milyon insanın soyuq hava xəbərdarlığı altında olduğu öyrənilib.
Qar fırtınası ilə yanaşı, yanğınla mübarizə də davam edir. Kaliforniya Meşə və Yanğından Mühafizə Departamentinin (CAL FIRE) saytında yer alan məlumata görə, Kastaik gölünün ətrafında başlayan Hughes yanğını qısa müddətdə geniş əraziyə yayılıb. 4 min hektardan çox ərazini əhatə edən yanğında bölgədə 30 mindən çox insan üçün təxliyə əmri, 20 mindən çox insan üçün təxliyə xəbərdarlığı edilib. Xəbərdarlıqlarda yanğının həyati təhlükəsi olduğu bildirilərkən, bəzi ərazilərin ictimai girişə bağlandığı açıqlanıb.
Qeyd edilib ki, Los-Ancelesdə iki həftədən çox əvvəl 6 fərqli bölgədə başlayan yanğınlardan Palisades bölgəsindəki yanğınların 70 faizi, İtondakı yanğınların isə 95 faizi bu günədək nəzarət altına alınıb.
Yanğınla bağlı açıqlama verən yanğınsöndürmə rəsmisi Anthony Marrone, küləyin yanğının ilk başladığı zamanki qədər güclü olmadığını vurğulayaraq, “İndiki vəziyyətimiz çox fərqlidir” deyib.
”HƏR ŞEY DAHA PİS OLACAQ”
New York Post qəzetinə danışan Vaşinqtonun Mərkəzi Pirs dairəsinin meşə yanğınları üzrə koordinatoru Jacob Weigley, “Bu, böyük bir yanğındır, hər şey daha da pisləşəcək” deyib.
Bildirilib ki, həftə sonu yağacaq yağışlar meşə yanğınlarının söndürülməsinə kömək edə bilər, lakin bu yağışlar yanğın zonalarında və ətraflarında ölümlə nəticələnən sürüşmə və daşqınlara səbəb ola bilər.
HOLLİVUD KABUSU: LOS ANCELES YANGILARI
Los-Ancelesin Pacific Palisades bölgəsində yanvarın 7-də səhər saatlarında başlayan və xüsusilə Eaton, Hurst, Sunset və Woodley bölgələrində sürətlə ətraf ərazilərə yayılan meşə yanğınlarında indiyədək ən azı 28 nəfər həyatını itirib.
Minlərlə hektar ərazini məhv edən yanğınların vurduğu ümumi zərərin və iqtisadi itkilərin 250-275 milyard dollar olduğu təxmin edilir.
Mənbə: TgrtHaber