“BMT hər zaman Ermənistan və Azərbaycan arasında münaqişənin sülh yolu ilə həllini təşviq edib.” Bugün.tv xəbər verir ki, bunu BMT Baş Assambleyasının prezidenti Abdulla Şahid ADA Universitetində keçirilən müzakirələr zamanı bildirib. O, qeyd edib ki, məsələnin sülh yolu ilə həlli sahəsində hər iki tərəfin, Ermənistan və Azərbaycanın əlaqələrinin inkişafı məni heyran etdi.
Abdulla Şahid Azərbaycanın BMT üzvü kimi uğurlarını xatırladıb:“Azərbaycan çoxşaxəliliyə sadiqdir, ölkə BMT-yə üzv olduğu son 30 ildə BMT Təhlükəsizlik Şurasının qeyri-daimi üzvü olub, eləcə də İqtisadi və Sosial Şuraya üzv seçilib. Azərbaycan Qoşulmama Hərəkatına sədrlik edir və Prezident I.Əliyevin rəhbərliyi ilə pandemiya dövründə təşəbbüslər irəli sürülüb. Bu gün Azərbaycanda olmaqdan çox şadam, burada gördüyüm inkişafa görə məmnunam . Mən Azərbaycan xalqına regionda sülhə və sədaqətə verdiyi töhfəyə görə minnətdarlığımı bildirirəm”.