Bugun.tv xəbər verir ki, Yazıçı Boris Akunin (əsl adı Qriqori Çxartişvili, Rusiya Federasiyasında xarici agent kimi tanınan, terrorçu və ekstremistlər siyahısına daxil edilib) beynəlxalq axtarışa verilib. Bu barədə Lenta.ru-ya Moskva şəhərinin ümumi yurisdiksiya məhkəmələrinin mətbuat xidmətindən məlumat verilib.
Bundan başqa, Moskvanın Basmannı rayon məhkəməsi Akunini iki ay müddətinə qiyabi həbs edib. Həbs müddəti yazıçının Rusiya ərazisində faktiki saxlandığı andan və ya Rusiya hüquq-mühafizə orqanlarına təhvil verildiyi andan hesablanır.
O, Rusiya Federasiyası Cinayət Məcəlləsinin 205.2-ci maddəsinin 2-ci hissəsi (“Terrorçuluğa ictimai bəraət”) və 207.3-cü maddəsinin 2-ci hissəsinin “e” bəndi (“Rusiya Silahlı Qüvvələrinin tətbiqi barədə bilə-bilə yalan məlumatın açıq şəkildə yayılması”) ilə ittiham olunub.
18 dekabr Rosfinmonitorinq yazıçını terrorçu və ekstremistlər siyahısına daxil edib.12-də isə Rusiya Ədliyyə Nazirliyi onu xarici agent kimi tanıyıb.
Ədliyyə Nazirliyinin məlumatına görə, Akunin SVO-ya qarşı çıxıb. Rusiya Federasiyası və Rusiya Silahlı Qüvvələrinin mənfi imicini yaratmağa yönəlmiş yalan məlumatlar yayıb. Həmçinin Ukrayna Silahlı Qüvvələrinə dəstək üçün vəsaitin toplanmasında iştirak edib.
Mənbə lenta.ru
Müxbir Qaytən Qasımzadə