Bugun.tv xəbər verir ki, Türkiyədə, Siirtin 10 kilometrliyində, Botan Vadisi Milli Parkı sərhədlərindəki Botan çayının rəngi gözlənilmədən qaralıb.
Siirt Ətraf Mühit, Şəhərsalma və İqlim Dəyişikliyi Müdirliyinin rəsmisi Məsud Batur, artıq çaydan nümunə götürüldüyünü və araşdırmaya başlanıldığını bildirib. “Müayinə nəticəsində heç bir çirkləndirici aşkar edilmədi. Fikrimizcə, buna səbəb yosun populyasiyasının artmasıdı”.
O, ötən ilin mart ayında da eyni halın yaşandığını, çayın rənginin dəyişdiyini deyib. “Götürülən nümunələrdən çıxan nəticələrlə bağlı ictimaiyyətə ətraflı məlumat veriləcək”,- qurum rəsmisi M.Batur əlavə edib.
Mənbə: TRT Haber