Böyük Britaniyanın xarici işlər naziri Ceyms Kleverli Çinə səfərini qeyri-müəyyən bir tarixə təxirə salıb.
Bugun.tv xəbər verir ki, bu barədə TASS məlumat yayıb.
Bildirilir ki, buna səbəb çinli həmkarı Qin Qanqın ictimai məkanda olmamasıdır.
Mənbənin məlumatına görə, Kleverlinin səfəri iyulun sonuna planlaşdırılıb.
Agentlik qeyd edib ki, hazırda hər iki tərəf yüksək vəzifəli məmurların görüşməsi üçün alternativ tarixlər axtarır.
Britaniya Xarici İşlər Nazirliyi isə bu barədə şərh verməkdən yayınıb.
Qeyd edək ki, Qin Qanq sonuncu dəfə iyunun 25-də Rusiya, Şri-Lanka və Vyetnam rəsmiləri ilə görüş keçirərkən ictimaiyyət qarşısında görünüb.