Bugun.tv xəbər verir ki, Cənubi Koreya prezidenti Yoon Suk Yeol bildirib ki, Şimali Koreya ilə bütün hərbi əməkdaşlıq cəhdləri dayandırılmalıdır. İndoneziyanın paytaxtı Cakartada keçirilən 43-cü Cənub-Şərqi Asiya Millətləri Assosiasiyasının (ASEAN) Zirvə Toplantısında danışan Yoon, “Şimali Koreya ilə hərbi əməkdaşlıq cəhdləri ən qısa zamanda dayandırılmalıdır, çünki bu, beynəlxalq ictimaiyyətdə sülhü pozacaq” deyib. ASEAN üzvlərini Şimali Koreyanın nüvə və raket proqramlarının maliyyələşdirilməsinin qarşısını almağa çağıran Yoon, Birləşmiş Millətlər Təşkilatının (BMT) üzvü olan bütün ölkələrin BMT Təhlükəsizlik Şurasının (UNSC) qeyri-qanuni silah ticarəti sanksiyalarına əməl etməli olduqlarının vurğuladı. Yoon Şimali Koreyanın nüvəsizləşdirilməsi üçün ölkələrin birlikdə çalışmalı olduğunu qeyd edərək, Şimali Koreyanın Koreya yarımadası və Hind-Sakit okean regionunda sülhü təhdid etdiyini bildirib. Sammitdən əvvəl verdiyi müsahibədə Yoon Şimali Koreyanın nüvə və raket proqramlarının ASEAN-a üzv ölkələr üçün “birbaşa və ekzistensial təhlükə” yaratdığını bildirib. Daily NK, Şimali Koreya rəsmilərinə əsaslanan xəbərlərində Şimali Koreyanın Rusiyadan nüvə silahlarının inkişafına kömək edə biləcək texnologiya transferlərində kömək istədiyini iddia etdi. “The New York Times” qəzetinin ABŞ rəsmilərinə əsaslanaraq verdiyi xəbərdə Şimali Koreya lideri Kim Çen Inın bu ay Rusiyaya səfər edəcəyi və Rusiya prezidenti Vladimir Putinlə görüşəcəyi iddia edilib.
Müxbir: Şəms Elnurqızı