Bugun.tv xəbər verir ki, Şimali Kipr Türk Respublikasında isti hava şəraiti ilə əlaqədar 17-21 iyul tarixlərində müəyyən saatlarda açıq havada günəş altında işləmək qadağan edildi.
Belə ki, ölkənin bir çox bölgələrində həddindən artıq istilər vətəndaşlara çətin anlar yaşadır. Buna görə də, Şimali Kipr Türk Cümhuriyyətində belə bir qərar qəul olunub.
Kipr Türk Agentliyinin (TAK) xəbərinə görə, Əmək və Sosial Müdafiə Nazirliyinin verdiyi qadağa qərarı dünən rəsmi qəzetlərdə dərc edilib.
Meteorologiya Departamentinin havanın temperaturu ilə bağlı proqnozlarına əsasən, nazirlik günəş altında işləyən işçilərin sağlamlığının qorunması məqsədilə iyulun 17-dən iyulun 21-dək saat 12.00-dan 16.00-dək açıq havada işləməyi qadağan edib.