Beynəlxalq Valyuta Fondu (BVF) Ukrayna ilə ümumi məbləği 8,2 milyard dollar olan yeni proqram üzrə razılığa gəldiyini açıqlayıb.
Fondun açıqlamasına görə, tərəflər 48 aylıq Genişləndirilmiş Fond Mexanizmi (EFF) çərçivəsində heyət səviyyəsində razılığa gəliblər.
Bəyanatda vurğulanıb ki, Rusiyanın apardığı müharibənin Ukrayna iqtisadiyyatına və xalqına ağır təsirinə baxmayaraq, Ukrayna hakimiyyəti makroiqtisadi sabitliyi qorumağa, borcun dayanıqlığını təmin etməyə və xarici tarazlığı bərpa etməyə sadiqdir.
Orada həmçinin bildirilir ki, Ukrayna hökuməti qeyri-rəsmi iqtisadiyyatla mübarizəyə, korrupsiya ilə mübarizəyə və dövlət müəssisələri də daxil olmaqla idarəetməni gücləndirməyə sadiqdir.
BVF mövcud öhdəliklərin yerinə yetirilməsi və donor ölkələrdən kifayət qədər maliyyələşdirmənin təmin edilməsindən sonra proqramın təsdiq üçün İcraiyyə Şurasına təqdim edilə biləcəyini bildirib.
Mənbə: İlkha