DİN-in Mətbuat Xidmətinin Şirvan regional qrupundan Bugun.tv – yə verilənn məlumata görə, Saatlı Rayon Polis Şöbəsinin əməkdaşları tərəfindən “Xaş-xaş 2023” şərti adlı kompleks əməliyyat-axtarış tədbirləri keçirilib. Axtarış zamanı narkotik tərkibli bitkilərin kultivasiyası ilə məşğul olan şəxs saxlanılıb. Əməliyyat nəticəsində çətənə bitkiləri yetişdirməkdə şübhəli bilinən rayon sakini Nurəli Astanov saxlanılıb.
Onun həyətyanı sahəsindən xüsusi aqrotexniki qaydada qulluq edilərək yetişdirilən 112 ədəd çətənə bitkisi və təmiz çəkisi 3 kiloqram 890 qram olan marixuana aşkarlanaraq götürülüb.
Faktla bağlı Saatlı RPŞ-də cinayət işi açılıb, araşdırmalar aparılır.