Bugun.tv xəbər verir ki, Cənubi Koreyanın Saemangeum şəhərində başlayan 25-ci Dünya Skaut Jamboreesinin gözlənilən “Xanın” tayfunu səbəbindən erkən başa çatması qərara alınıb.
Bildirilib ki, sözügedən qərara səbəb havanın temperaturunun yüksəlməsi və ölkəni vuracağı gözlənilən “Xanun” qasırğası olub.
Qeyd edək ki, Saemangeum şəhərində başlayan 25-ci Dünya Skaut Jamborisində 158 ölkədən 43 min skaut iştirak edib. Belə ki, onlarla iştirakçını istilər vurub. 35 dərəcə civarında temperaturda yeməklər xarab olub. Bölgədə baş verən daşqınlar nəticəsində duş və tualetlərin tıxanıb. Eləcə də, tədbirdə səhiyyə xidmətlərinin lazımi səviyyədə olmaması səbəbindən bəzi insanlar tədbirin ləğvini tələb ediblər.
ABŞ, Sinqapur və Böyük Britaniya komandaları həddindən artıq istilərə görə tədbiri erkən tərk etməli olublar.
Müxbir: İntizar Əmirova