“Məlum olduğu kimi, İran Azərbaycanla bağlı planlarını həyata keçirmək üçün din amilindən geniş istifadə edir. Bu məqsədlə azərbaycanlı gənclərin İranda təhsil almasına xüsusi önəm verilir”.
Bugun.tv xəbər verir ki, bu fikirləri millət vəkili Ceyhun Məmmədov facebook hesabındakı paylaşımında bildirib. Onun sözlərinə görə, İranın bütün cəhdlərinin qarşısını almaq üçün inzibati tədbirlərlə yanaşı, geniş maarifləndirmə və təbliğat işləri aparılmalıdır. “Eyni zamanda din təhsili daha da gücləndirilməli, güclü vətənpərvərlik ruhuna malik din xadimləri yetişdirilməli və dini fəaliyyət sahəsində çalışmaları təmin olunmalıdır”,- millət vəkili əlavə edib.
Müxbir: Qaytən Qasımzadə