Chery ilin ikinci yarısında Jaecoo markasının yeni modellərini nümayiş etdirəcək. JAECOO 7 PHEV və JAECOO 8 PHEV avtomobilləri Çinin paytaxtında baş tutacaq “2024-cü il Pekin Beynəlxalq Avtomobil Sərgisi”ndə təqdim olunacaq.
“Yeni Enerji, Yeni Eko, Yeni Əsr” mövzusu ilə çıxış edəcək brend, yarmarkada yeni enerji Off-Road xəritəsini və qlobal strategiyasını açıqlayacaq.
Jaecoo qonşu ölkə Türkiyəyə isə ilin ikinci yarısında gətiriləcək. Satılacaq ilk model kompakt SUV Jaecoo 7 olacaq. Daha sonra elektrik SUV modeli Jaecoo 8 satışa çıxarılacaq. Bu model bəzi ölkələrdə Chery Tiggo 9 Pro adı ilə tanınır.
Qeyd edək ki, Chery Group 2023-cü ildə satışlarını yüzdə 52,6 artıraraq istifadəçilərinə 1 milyon 881 min 316 avtomobil təhvil verib.