Cənubi Amerika ölkəsi Çilinin şimal hissəsində 7,4 bal gücündə zəlzələ baş verib. Perunun cənub bölgələrini də silkələyən zəlzələ böyük panikaya səbəb olub. Can və mal itkisi ilə bağlı hələ dəqiq məlumat yoxdur!
Cənubi Amerika ölkəsi Çilinin şimalında GMT vaxtı ilə 4.50-də 7,4 bal gücündə zəlzələ baş verib. ABŞ Geoloji Xidməti (USGS) təxminən 117 kilometr dərinlikdə qeydə alınan zəlzələnin episentrinin Antofaqasta bölgəsindəki San Pedro de Atakama olduğunu açıqlayıb.
Zəlzələdən sonra sunami xəbərdarlığı verilməsə də, indiyədək hər hansı can və ya mal itkisi qeydə alınmayıb. Perunun cənub bölgələri olan Tacna və Arekipada hiss edilən zəlzələnin ictimaiyyətdə böyük panikaya səbəb olduğu paylaşılıb.
Çili Milli Fəlakətin Qarşısının Alınması və Müdaxilə Xidmətinin (Senapred) verdiyi açıqlamada zəlzələnin mümkün zərərlərinin qiymətləndirildiyi bildirilib.
Zəlzələ ilə bağlı Hərbi Dəniz Qüvvələri Hidroqrafiya və Okeanoqrafiya Xidmətindən (SHOA) açıqlama da verilib. SHOA, zəlzələdən sonra Çili sahillərində və ya ondan kənarda sunami xəbərdarlığını tələb edən lazımi şərtlərin meydana gəlmədiyini bildirib.
Mənbə: TGRT