Çin Xarici İşlər Nazirliyi Asiya Qış Oyunları zamanı kritik infrastruktura kiberhücum etməkdə ABŞ-ı günahlandırıb. Pekin hökuməti hücumda iştirak edən şəxsi ələ keçirməyə kömək edənlərə mükafat veriləcəyini açıqlayıb. ABŞ ilə ciddi ticarət müharibəsinin ortasında olan Çin kiberhücumlarla mübarizə aparır.
Ölkənin ev sahibliyi etdiyi Qış Asiya Oyunları zamanı Heilongjiang əyalətində həm yarış informasiya sistemlərinə, həm də kritik infrastruktura qarşı hərtərəfli kiberhücum edilib.
Mətbuat konfransında məsələyə toxunan Çin Xarici İşlər Nazirliyinin sözçüsü hücumun ABŞ tərəfindən törədildiyini açıqlayıb.
Sözçü həmçinin Harbin İctimai Təhlükəsizlik Müdirliyinin dərc etdiyi “Mükafat bildirişi” ilə bağlı mətbuatda gedən xəbərin doğru olduğunu bildirib.
Buna uyğun olaraq kiberhücumda iştirak edən ABŞ Milli Təhlükəsizlik Agentliyinin (NSA) əməkdaşlarının tutulmasına kömək edənlər mükafatlandırılacaq.
“BU CİDDİ ZƏRƏR VERDİ”
Sözçü bu məsələdə Çinin mövqeyini təkrarladıqlarını və ABŞ-ın həyata keçirdiyi kiberhücumun Çinin mühüm məlumatları ehtiva edən infrastruktur obyektlərinə, müdafiə, maliyyə, cəmiyyət, istehsal və Çin vətəndaşlarının şəxsi məlumatlarının təhlükəsizliyinə ciddi ziyan vurduğuna diqqət çəkib.