Bugun.tv xəbər verir ki, Çin Sudandan hərbi gəmilərlə 940 vətəndaşını təxliyə edib.
Bu barədə ölkənin Müdafiə Nazirliyinin sözçüsü Tan Kıfey bildirib. Onun sözlərinə görə, aprelin 26-29-da Çin Xalq Azadlıq Ordusunun Hərbi Dəniz Qüvvələrinə məxsus iki gəmi 940 Çin vətəndaşını Səudiyyə Ərəbistanının Ciddə limanına çatdırıb.
Xarici İşlər Nazirliyinin sözçüsü Mao Ninq isə deyib ki, müxtəlif vasitələrlə 1300 Çin vətəndaşı Sudandan daşınıb.
O, ölkədəki vəziyyəti yaxından izlədiklərini və lazım gələrsə, kömək etməyə hazır olduqlarını bildirib.
Həmçinin, paytaxt Xartumda hələ də Çin vətəndaşlarının qaldığını vurğulayıb.
Mənbə: TRT haber