Bugun.tv xəbər verir ki, “Çin İncəsənəti Azərbaycan Milli İncəsənət Muzeyinin kolleksiyasından” adlı sərginin açılış mərasimi keçiriləcək.
Sözügedən sərgi üçün ayrılmış ekspozisiya zallarında Çin incəsənətinə məxsus qədim tanrılar və müdriklərin heykəlləri, rəsm əsərləri məişətdə istifadə olunan toxuculuq məhsulları, çini vazalar, mebellər və s. nümayiş etdiriləcək.
Qeyd edək ki, mərasim 29 mart 2023-cü il tarixində saat 16:00-da Azərbaycan Milli İncəsənət Muzeyində Mədəniyyət Nazirliyinin, Çin Xalq Respublikasının Azərbaycandakı səfirliyinin və Milli İncəsənət Muzeyinin birgə təşkilatçılığı ilə həyata keçirilir.