Bildirilib ki, Tayvan adası ətrafında 22 Çin hərbi təyyarəsi aşkar edilib və onlardan 12-si tərəflərin Tayvan boğazında təsir zonalarını məhdudlaşdırdığı güman edilən hava və dəniz xəttini keçib. Tayvan Müdafiə Nazirliyinin X sosial media platformasındakı hesabından verilən açıqlamada, bu gün səhər saatlarından etibarən adanın ətrafında 22 təyyarənin göründüyü bildirilib.
Açıqlamada qeyd olunub ki, 22 hərbi təyyarədən 12-si Tayvan boğazında nominal “orta xətt”dən kənara çıxıb və Tayvanın “Hava Hücumundan Müdafiə İdentifikasiya Zonası (ADIZ)” elan etdiyi ərazidə uçub.
ABŞ dövlət katibi Antoni Blinkenin aprelin 24-26-da Çinə səfərini başa vurduqdan sonra uçuşların intensivləşməsi diqqət çəkib. Çinin ərazisinin bir hissəsi olduğunu iddia etdiyi Tayvan 1949-cu ildən de-fakto müstəqilliyə malikdir. Çin və Tayvan arasında vətəndaş müharibəsindən sonra ortaya çıxan ayrılma və suverenlik mübahisəsi davam edir.
Mənbə: TGRT