“ÇİN sədri Si Cinpin hərbi sahədə elmi tədqiqatlara görə mükafatlandırma qaydalarının təsdiq edilməsi ilə bağlı fərman imzalayıb. Yeni sənəd silahlı qüvvələrin yeni texnologiyalarla gücləndirilməsi strategiyasının tərkib hissəsidir.
Əsas meyar isə elmi və texnoloji yeniliklərin döyüş qabiliyyətinə töhfəsi olacaq.
Görünən odur ki, ÇİN hərbi təhqiqatlara daha çox şirkət və təhqiqatçı cəlb etməklə, yeni texnologiyaların silahlı qüvvələrdə tətbiqini sürətləndirmək istəyir.
Bir müddət öncə ABŞ Prezidenti Doland Trumpın iddialı 1 trl dollarlıq “Qızıl qübbə” layihəsini elan etməsindən, və Aİ 150 mlrd avroluq müdafiə fondu elan etməsindən sonra rəsmi Pekinin ABŞ və Brusselin qərarına reaksiyasıdır. Yəni bir tərəfin müdafiə strategiyası digər tərəfdə hücum siqnalı kimi qəbul edilir və nəticədə silahlanma yarışı əlavə sürət qazanır.
Son dönəmdə süni intelekt sahəsində əldə edilən nəticələrin artıq yaxın zamanlarda hərbi sənayedə tətbiqini qaçılmaz edir. Yaxın gələcəkdə əməliyyatların idarə edilməsi sahəsində insan faktorunun minimallaşdırılması və prossesin avtomatlaşdırılmasının şahidi ola biləcəyik. Artıq suni intelekt əsaslı layihələrin Yaxın Şərqdə əməliyyatlarda sınaqdan keçirilməsinə dair məlumatlar var. Hələ ki, suni intelekt əsaslı layihələr əsasən döyüş meydanından kəşfiyyat əldə edilməsində istifadə edilir. Ancaq yaxın gələcəkdə, kəşfiyyat, analiz və qərar qəbul etmənin avtomatlaşdırılması ilə müharibələr yeni xarakter ala bilər ki, bunan sonra artıq döyüşlərdə humanizm prinsipləri, hüquqi çərçivə kifayət qədər daralacaq”.
Mənbə: Siyasi şərhçi Aqil Məmmədov- Facebook