Paytaxt Pekin də daxil olmaqla, su basmış ərazilərdən minlərlə insan təxliyə edilib və daha çox yağışın olacağı ilə bağlı xəbərdarlıq edilib.
Hebey əyalətinin Luanpin qraflığının kənd ərazisində torpaq sürüşməsi nəticəsində 4 nəfər ölüb, 8 nəfər itkin düşüb.
Səlahiyyətlilər, insanları evdə qalmağa çağıraraq, ən yüksək səviyyəli fövqəladə vəziyyət planını aktivləşdirəcəklərini, məktəblərin bağlandığını və tikinti işlərinin dayandırıldığını açıqladı.
Səlahiyyətlilər şəhərin əsas içməli su mənbəyi olan Miyun bəndindən suyu buraxmağa başlayıb və sakinlərə çay səviyyəsinin yüksəlməsi səbəbindən aşağı axın ərazilərindən uzaq durmaq barədə xəbərdarlıq edib.
Səlahiyyətlilər bəndin 1951-ci ildən bəri ən yüksək səviyyəyə çatdığını və daşqın riski səbəbiylə 4015 nəfəri təxliyə etdiklərini açıqlayıb.
Daşqın təhlükəsi səbəbindən Tianjin şəhərində təxminən 5600 nəfər təhlükəsiz ərazilərə təxliyə edilib.
Mənbə: İlkha