“Mən əminəm ki, Çin sülhün qurulmasında böyük rol oynamalıdır. Bunu müzakirə etmək, irəliləmək üçün gəlmişəm. Prezident Si Cinpinq ilə biz həmçinin biznesimiz, iqlim və biomüxtəliflik və ərzaq təhlükəsizliyi haqqında danışacağıq”.
Bugun.tv xəbər verir ki, bunu Fransa prezidenti Emmanuel Makron Twitter-də yazıb.
Qeyd edək ki, Makron Çində rəsmi səfərdədir. Bu, Fransa prezidentinin 2019-cu ilin payızından bəri Çinə ilk gəlişidir. Makron Ukrayna münaqişəsini və Fransa ilə Çin arasında ikitərəfli əlaqələri, xüsusən də iqtisadiyyat sahəsində müzakirə etməyi planlaşdırır. Fransa lideri deyib ki, Çin Rusiya ilə yaxşı münasibətlərinə görə Ukrayna ətrafındakı vəziyyətdə mühüm rol oynaya bilər.
Yelisey Sarayından verilən məlumata görə, Makronun səfərinin rəsmi proqramı sabah başa çatacaq.
Mənbə:TASS