İtaliyanın Baş naziri Ciorcia Meloni ilə Ukrayna Prezidenti Volodimir Zelenski arasında telefon danışığı olub.
Bugun.tv xəbər verir ki, İtaliya Nazirlər Şurasının məlumatına görə, G7-yə sədrliyin İtaliyaya keçməsi çərçivəsində Ciorcia Meloni beynəlxalq liderlər arasında ilk telefon danışığını Volodimir Zelenski ilə aparıb.
Söhbət zamanı C.Meloni Ukrayna ərazisindəki son hadisələrin qurbanlarının ailələri və yaxınları ilə həmrəyliyini ifadə edib.
Baş nazir Rusiya-Ukrayna məsələsinin İtaliyanın G7-yə sədrliyi dövründə əsas müzakirə mövzusu olacağını deyib. İtaliyanın ədalətli və davamlı sülhə nail olunması, eləcə də bütün sahələrdə Ukrayna hakimiyyətinə davamlı dəstəyini təkrarlayıb.