ABŞ prezidenti Co Bayden Şimali İrlandiyaya dörd günlük səfər edəcək.
Bugun.tv xəbər verir ki, bu barədə Böyük Britaniyanın baş naziri Rişi Sunak məlumat yayıb.
Co Baydenin səfəri Şimali İrlandiyada uzun illər davam edən silahlı qarşıdurmaya son qoyan Belfast sazişinin imzalanmasının 25-ci ildönümünə təsadüf edir.
Ağ Evin məlumatına görə, bu səfər zamanı ABŞ prezidenti iki ölkə arasında geniş spektrli qlobal çağırışlar üzrə əməkdaşlığı müzakirə edəcək və bir sıra tədbirlərdə iştirak edəcək.
Baydenin aprelin 14-də Vaşinqtona dönəcəyi gözlənilir.
Mənbə: TASS