Qəhvə dünyada ən sevimli içki növlərindən biridir. Son dövrlərdə ölkəmizdə də qəhvəyə maraq artıb. Qəhvə bəziləri üçün əvəzsiz içki növünə çevrilib. Hətta elə insanlar var ki, qəhvəsiz günü təsəvvür etmirlər.
Tələbat artdığına görə, ölkədə “cofeshop”ların sayı da durmadan çoxalır.
Sağlam qidalanma üzrə mütəxəssislər qəhvə içməyin daha çox dəb halını aldığını deyir.
Onların sözlərinə görə qəhvənin faydaları ilə yanaşı, zərərləri də çoxdur.
Məsələn, əlavə qatqıları olduğu üçün, qida mütəxəssisi “3-ü 1-də” kimi tanınan qəhvələri daha zərərli sayır.
“Bir fincan qəhvənin 40 illik xətri var”, – deyiblər. Qəhvə içərkən keyfiyyətinə diqqət etmək lazımdır ki, 40 illik xətri ilə birlikdə ən azı 40 il də faydası olsun.
Mənbə: dogru.az