Şanlıurfanın Siverek rayonunda 2 avtomobilin toqquşması nəticəsində baş verən yol qəzasında 2 nəfər ölüb, 6 nəfər yaralanıb.
Bugun.tv xəbər verir ki, hadisə Diyarbəkir şosesinin Siverek rayonu Gerçək məhəlləsi yaxınlığında baş verib. Haçım Karacanın idarə etdiyi 59 TM 100 dövlət nömrə nişanlı avtomobillə Abdullah Aslantaşın idarə etdiyi 06 DOY 733 dövlət nömrə nişanlı avtomobil toqquşub.
TRT Haberin məlumatına görə qəzada sürücülər Haçım Karaca və Baran Karaca hadisə yerində həyatını itirərkən, ağır yaralanan Abdullah Aslantaş, Medeni Aslantaş, Emrah Aslantaş, Ümran Aslantaş, Bilal Özdemir və Rəcəb Yıldız isə bölgəyə sövq edilən təcili yardım maşınları ilə Siverek Dövlət Xəstəxanasına aparılıb. . Bölgədə geniş təhlükəsizlik tədbirləri alan polis qrupları yolu bir müddət trafikə bağladı. Maşınlar çıxarıldıqdan sonra yol yenidən hərəkət üçün açılıb.
Qəza ilə bağlı araşdırmalara başlanılıb.