Bugun.tv xəbər verir ki, Konyanın Ereğli rayonunda 5 kənd təsərrüfatı işçisi isinmək üçün yandırdıqları kömür sobasından sızan dəm qazından zəhərlənib. Qohumları olduğu müəyyən edilən 5 işçi xəstəxanaya yerləşdirilib. Əziziyə rayonunda kənd təsərrüfatı işçilərinin qaldıqları evdə Halil Çiftçi, Abdullah Çiftçi, Hamit Çiftçi, Mehmet Çiftçi və Şadi Çiftçi axşam saatlarında isinmək üçün kömür sobasını yandıraraq eyni otaqda yatıblar.
TRT Haber-in məlumatına görə, səhər saatlarında otağa daxil olan yaxınları 5 nəfəri huşsuz vəziyyətdə görüb və vəziyyəti 112 Təcili Yardım Mərkəzinə bildiriblər. Xəbər üzərinə jandarma və sağlamlıq qrupları ünvana sövq edildi.