Qərbi Avstraliya sahillərində avropalı turistləri daşıyan kiçik dəniz təyyarəsinin okeana düşməsi nəticəsində 3 nəfər ölüb, 4 nəfər sağ qalıb.
Yerli KİV-in məlumatına görə, təyyarə quokkas adlı mehriban marsupialları ilə məşhur olan turizm məkanı Rottnest adasından çıxarkən qəzaya uğrayıb.
Qəzadan sonra bölgəyə göndərilən qruplar dənizdən qalıqları çıxararkən, əyalətin baş naziri Rocer Kuk 3 nəfərin öldüyünü, 4 nəfərin isə sağ qaldığını təsdiqləyib.
Ölənlər arasında İsveçrədən olan 65 yaşlı qadın, Danimarkadan olan 60 yaşlı kişi və 34 yaşlı yerli pilot da var.
Qəzadan 63 yaşlı isveçrəli kişi, 58 yaşlı danimarkalı qadın və 60 yaşlarında olan avstraliyalı cütlük sağ qalıb.
Bildirilib ki, təyyarə qalxarkən qayaya çırpılıb.
Mənbə: İlkha