Bugun.tv xəbər verir ki, Danimarkanın paytaxtı Kopenhagendə Qurani-Kərimə hücum edilib. Hücum Bağdadda etirazla qarşılanıb. Hücumu qınayan AK Partiya sözçüsü Ömər Çelik, “Din və vicdan azadlığına qarşı bu lənətlənmiş hərəkət açıq-aşkar bir nifrət cinayətidir”, – deyib. Danimarkada anti-islamçı və ultra-millətçi “Danske Patrioter (Danimarka Patriotları)” marginal qrupunun üzvləri İraqın Kopenhagendəki səfirliyi qarşısında Qurani-Kərimi yandırıblar. İslam əleyhinə pankart açan və İslamı təhqir edən şüarlar səsləndirən qruplaşma üzvləri İraq bayrağını və Quranı yerə ataraq onun üzərinə çıxıblar. Daha sonra Quranı yandıran təxribatçı qrup bu anları sosial media hesablarında canlı yayımlayıb. Quranı yandıran qrup bu təxribatı Bağdaddakı İsveç səfirliyinə hücuma etiraz olaraq təşkil etdiyini bildirib. Polisin sıx təhlükəsizlik tədbirləri altında keçirdiyi nümayişi mətbuat mənsubları da izləyib. Danske Patrioter adlı marjinal qrup daha əvvəl Kopenhagendəki Türkiyənin səfirliyi qarşısında Türkiyə bayrağına və Qurana hücum edərək İslamı təhqir etmişdi.
Müxbir: Şəms Elnurqızı