Bugun.tv xəbər verir ki, Yunanıstanın Tesaliya bölgəsini, xüsusilə Volos, Pilio, Larisa, Trikala və Kardiça kimi əyalətləri 5 sentyabrdan bu yana təsir edən şiddətli yağış və sel nəticəsində həyatını itirənlərin sayı 10-a yüksəlib.
Yunanıstanın İqlim Böhranı və Mülki Müdafiə naziri Vasilis Kikilias xüsusilə Pinio çayının daşması nəticəsində bir çox kəndin su altında qaldığını bildirib. Sel şəraitinin pisləşə biləcəyini deyən Kikilias, 4 nəfərin hələ də itkin olduğunu deyib, əhalini diqqətli olmağa çağırıb.
Kikilias qeyd edib ki, bölgədə axtarış-xilasetmə işləri və kəndlərdə qapalı qalanlara qida və su paylanması üçün 20 helikopter işləyir.