Yeni Zelandiyanın Oklend şəhərində fövqəladə vəziyyət elan edilib.
Bugun.tv xəbər verir ki, bu barədə BBC məlumat yayıb.
Bildirilib ki, Yeni Zelandiya hökuməti daşqınlardan zərər çəkmiş Oklenddə fövqəladə vəziyyət elan edilib. Mağaralarda araşdırma aparan bir qrup orta məktəb şagirdləri sel sularının təsirinə məruz qalıb.
Şəhərdə qatar və avtobus reysləri ləğv edilib. Sərnişinlərə zərurət olmadıqca səyahət etməmək barədə xəbərdarlıq olunub.
Güclü yağışların müəyyən fasilələrlə gecə yarısına qədər davam edəcəyi bildirilib.
Təcili xilasedicilər Oklenddə 200-dən çox yardım çağırışına cavab veriblər.
Qeyd edək ki, Oklend şəhərində yanvar ayında 4 nəfər daşqın, fevralda isə 11 nəfər Qabrielle qasırğasının yaratdığı fəlakət nəticəsində həyatını itirmişdi.
Mənbə: TRT haber