Deputat Ceyhun Məmmədov Azərbaycan ədəbiyyatının və humanitar elmin görkəmli nümayəndəsi, yazıçı, alim, dövlət xadimi və Azərbaycan Dillər Universitetinin rektoru Kamal Abdullanın 75 illik yubileyi ilə bağlı paylaşım edib.
Deputat qeyd edib ki, ölkənin elmi və mədəni həyatında xüsusi yeri olan Kamal Abdulla zəngin yaradıcılığı, ədəbiyyata gətirdiyi yenilikçi yanaşmaları və çoxşaxəli fəaliyyəti ilə Azərbaycan mədəniyyətinə misilsiz töhfələr verib.
Ceyhun Məmmədov böyük sənətkarı bu əlamətdar gün münasibətilə səmimi qəlbdən təbrik edərək ona uzun ömür, möhkəm can sağlığı və yeni yaradıcılıq uğurları arzulayıb. Deputat bildirib ki, Kamal Abdullanın “söz işığı” gələcək nəsil ədəbiyyatsevərlərə daim yol göstərəcək.
Biz də Bugun.tv– saytı olaraq Azərbaycan ədəbiyyatının və humanitar elmin görkəmli nümayəndəsi, yazıçı, alim, dövlət xadimi və Azərbaycan Dillər Universitetinin rektoru Kamal Abdullanın 75 illik yubiley münasibətilə təbrik edirik.