Bugun.tv xəbər verir ki, son dövrlər alqı-satqı saytlarında elan yerləşdirən vətəndaşlara qarşı dələduzluq edənlərin sayı artıb.
Belə ki, onlar məhsul alacağı vədini verərək guya pul köçürmək məqsədilə vətəndaşın şəxsi bank kart məlumatlarını əldə etməyə cəhd edirlər.
DİN-in məlumatına görə, dələduzlar bunu saxta xarici nömrələrdən zənglər edilməklə və ya tətbiqlər vasitəsilə yazmaqla edirlər.
Vətəndaşlarımızın nəzərinə bir daha çatdırırıq ki, belə şəxslərə inanıb kart məlumatlarını təqdim etməsinlər.
Kibercinayətkarlıqla üzləşdiyiniz təqdirdə DİN-in “102” Xidməti-Zəng Mərkəzinə, o cümlədən ərazi polis orqanına və ya sosial şəbəkələrdəki səhifələrimizə müraciət edə bilərsiz.