Çin Kommunist Partiyası (ÇKP) Mərkəzi Xarici Əlaqələr Komissiyasının ofisinin direktoru, ÇKP Siyasi Bürosunun üzvü Vanq Yi rusiyalı həmkarı Sergey Lavrova “yeni razılaşmalar əldə edəcəyinə” ümid etdiyini bildirib.
“Əziz dostum, mən sizinlə qarşılıqlı maraq doğuran məsələlərlə bağlı fikir mübadiləsi aparmağa hazıram və yeni razılaşmaların əldə olunmasını gözləyirəm”
Bugun.tv TASS -a istinadən xəbər verir ki, bu sözləri Vanq Yi deyib.
O, vurğulayıb ki, bu il Çin Kommunist Partiyasının 20-ci Qurultayının hərtərəfli həyata keçirilməsinin birinci ilidir.
“Biz qətiyyətlə müstəqil və muxtar xarici siyasət yürüdəcəyik. Qarşılıqlı fayda qazanan açıq strategiyalar həyata keçirəcəyik. Rusiya ilə əməkdaşlığın inkişafı üçün yeni üfüqlər açacağıq. Dünya ölkələri Çinin modernləşdirilməsi vasitəsilə bütün tərəfdaşlarla qarşılıqlı əlaqənin mahiyyətini zənginləşdirir”,- diplomat qeyd edib.