“Son günlər Azərbaycanda kiber şantajın bir növü olan “Sextortion” halları yenidən artıb. İnsanların ailələrinin dağılmasına, intihar etməsinə səbəb olan təhlükəli hücum növlərindən biridir”.
Bugun.tv xəbər verir ki, bu fikri texnobloger Fərid Pərdəşünas sosial media hesabında qeyd edib.
Onun sözlərinə görə, hücum zamanı türk dilində danışan xanımlar, onlayn danışıqlar təşkil edərək, qarşı tərəfin intim hərəktlər etməsini tələb edir. Bu hərəkətlər isə video görüntü formasında qeydə alınır, daha sonra şantaja başlanılır. Xüsusilə, mövzudan xəbərsiz olan və texnologiya ilə zəif davranış göstərən və təbii ki, hisslərinə məğlub olan şəxslər bu hücumun qurbanı olur. Lazım olan məbləğlər hər ay ödənilmədikdə, çəkilən videolar bir-bir dost-tanışlara göndərilir.