Bugun.tv xəbər verir ki, Mərmərə dənizində, Çanaqqala boğazında zəhərli növ kimi tanınan kompas meduzanın sayında artım aşkarlanıb. Ətyeyən olan bu növün balıq populyasiyasına mənfi təsir etdiyi bildirilir.
Təbii yaşayış yerləri Aralıq dənizi və Egeydə olan bu meduza son 1 ildə daha çox görülməyə başlayıb. ÇOMÜ Dəniz Elmləri və Texnologiyaları fakültəsinin professoru Muhammet Türkoğlu ictimaiyyəti qırmızı, qəhvəyi və sarı rəngli, 1,5 metrə qədər uzanan meduzalara qarşı diqqətli olmağa çağırıb. “Kompas meduzalarının 4 çətiri var. Məhz bu hissədə nematosit hüceyrələri yerləşir. Zəhərli maddələr də məhz burada olur. Təmas zamanı dəriyə yapışır. Buna görə də qəti şəkildə toxunulmaması lazım olan bir növdür”.
Təmasda olduqda, sürtüldükdə partlayır və bədəndə qızartı, səpgi, ekzema, yanma kimi əlamətlər yaranır. Həddindən artıq reaksiya verən insanlarda daha böyük problem yarada bilər.
Mənbə: TRT Haber