Fransa prezidenti Emmanuel Makron nüvə silahının milli ərazilərdən kənarda yerləşdirilməsinə qarşı çıxış edərək, ABŞ-ın siyasətini effektiv şəkildə tənqid edib.
“Uzun müddətdir ki, biz Fransa prezidentindən Amerika Birləşmiş Ştatlarına qarşı belə şiddətli tənqidlər eşitmirik”.
Bugun.tv xəbər verir ki, bunu Kremlin sözçüsü Dmitri Peskov Makronun sözlərini şərh edərkən istehza ilə qeyd edib.
Qeyd edək ki, Çin lideri Si Cinpin ilə birgə mətbuat konfransında danışan Makron, Fransanın nüvə silahlarının milli ərazidən kənarda yerləşdirilməsinə qarşı olduğunu demişdi.
Xatırladaq ki, martın 25-də prezident Vladimir Putin bildirib ki, Belarusun tələbi ilə Rusiya öz taktiki nüvə silahlarını ABŞ-ın uzun müddətdir müttəfiqlərinin ərazisində etdiyi kimi, respublikada yerləşdirəcək.
Mənbə: TASS