“Moldova hökumətinin Ukraynanın Dnestryanı yaxınlığında radioaktiv maddələrdən istifadə edərək təxribat törədə biləcəyi xəbəri cəfəngiyyatdır. Hökumət qurumları vəziyyəti izləyir və Rusiya tərəfinin yaydığı məlumatı təsdiqləmir”.
Bugun.tv TASS-a istinadən xəbər verir ki, ölkənin Nazirlər Kabinetinin çərşənbə günü yaydığı bəyanatda belə deyilir.
Qeyd edək ki, Rusiya Müdafiə Nazirliyi bir müddət əvvəl bildirmişdi ki, Kiyev rejimi Rusiya silahlı qüvvələrini radioaktiv sızmalara və ərazinin çirklənməsinə səbəb ola biləcək radioaktiv təhlükəli obyektlərə təsadüfi zərbələr endirməkdə ittiham etmək üçün təxribat hazırlayır.