Bugun.tv xəbər verir ki, keçmiş ABŞ prezidenti Donald Tramp, ona qarşı açılan məhkəmə işlərindən aldığı cərimələrlə üzləşdiyi bir vaxtda internet vasitəsilə İncil kitabının satışına başlayıb.
Bunun üçün o, özünün Truth Social sosial media hesabında yayımladığı videoda seçicilərini İncil almağa çağırıb. Tramp yazısında bu həftə qeyd olunacaq “Yaxşı Cümə” və “Pasxa” bayramlarına diqqət çəkib. “Müqəddəs Həftəniz Mübarək! Amerikaya yenidən ibadət edək. Yaxşı Cümə və Pasxa bayramlarına yaxınlaşdıqca sizi İncil oxumağa dəvət edirik. Allah ABŞ-ı qorusun”, – o bildirib.
Tramp öz paylaşımında yayımladığı videoda “Bütün amerikalıların evlərində İncil lazımdır, mənim isə çoxlu kitablarım var. Bu, mənim ən çox sevdiyim kitabdır. Mən sizi bu İncili almağa dəstəkləməkdən və təşviq etməkdən qürur duyuram”, – Tramp çağırış edib.