Polşanın Baş naziri Donald Tusk “Telewizja Polska” dövlət telekanalının rəhbərlərindən 2023-cü ildə aldıqları yüksək maaşları büdcəyə qaytarmağı tələb edib.
Bugun.tv xəbər verir ki, Donald Tusk bu barədə özünün media hesabında yazıb.
Polşa televiziyasının bəzi rəhbər işçiləri 2023-cü ildə 1,5 milyon zlotı (təxminən 382 min dollar) maaş alıblar.
Dekabrın 27-də Polşanın mədəniyyət və milli irs naziri Bartolomey Senkeviç “Telewizja Polska” dövlət televiziya kanalı, “Radio Polskie” radiostansiyası və “Polska Agencja Prasowa” informasiya agentliyinin ləğv olunduğunu elan edib.