Bugun.tv xəbər verir ki, Dövlət Sərhəd Xidmətinin hərbi hissələrində gənc əsgərlərin andiçmə mərasimi keçirilib. Mərasimlərdə hərbi hissənin döyüş bayrağı sıra meydanına gətirilib, Dövlət Himni səsləndirilib. Daha sonra Azərbaycan Respublikasının ərazi bütövlüyünün bərpa edilməsi və torpaqlarımızın işğaldan azad olunması uğrunda canlarını fəda etmiş şəhidlərimizin əziz xatirəsi bir dəqiqəlik sükutla yad edilib.
Tədbirdə çıxış edənlər əsgərlərin hərbi anda daim sadiq qalacaqlarını əminliklə bildiriblər. Valideynlər yaradılmış şəraitə görə ölkə rəhbərliyinə minnətdarlıqlarını bildirib, övladlarını vətən sərhədlərinin keşiyində ayıq-sayıq dayanmağı tövsiyə ediblər.
Andiçmə mərasimi başa çatdıqdan sonra valideynlərlə əsgərlərin görüşü təşkil olunub.