Moskvanın əsas görməli yerlərindən biri də SSRİ-nin qurucusu Vladimir İliç Leninin mavzeleyidir.
Buranın düz 100 yaşı tamam oldu.
Bu il Moskva bütün Rusiyanın müasir tarixində bəlkə də ən məşhur binası sayılan Vladimir İliç Leninin məqbərəsinin100 yaşını qeyd edir.
Mövcud olduğu illər ərzində o, bütün ölkə üçün əlamətdar məkana çevrilməyi və sovet dövrünün təcəssümü olmağı bacarıb. Ancaq simvolik obyektin taleyi əvvəldən çətin idi. Məqbərənin necə yaradıldığı və dəyişdirilməsi – İzvestiya foto qalereyasında nümayiş etdirilib:
Sovet rəsmi sənədlərinə görə, Leninin ölümündən dərhal sonra minlərlə fəhlə və kəndli hökumətə teleqramlar və ya məktublar göndərərək, rəhbərin cənazəsinin qorunub saxlanmasını təklif edirdilər. Bu təklifləri nəzərə alan Millətlərin Xalq Komissarı Stalin mərkəzi komitəyə Leninin cənazəsinin saxlanılacağı məqbərənin tikilməsi barədə məlumat verdi. Lakin Leon Trotski bu təklifə qarşı çıxdı. Nadejda Krupskaya isə əri Leninin vəsiyyətində deyildiyi kimi Leninqraddakı ailə qəbiristanlığında dəfn olunmasını istəyirdi. Lakin camaatın intensiv tələbi və Stalinin partiyadakı təsiri səbəbindən məqbərənin tikilməsi qərara alınıb.
Professor Moçalovanın sözlərinə görə, Stalinin məqbərəni tikməkdə məqsədi marksizm-leninizmi müqəddəs təlimə çevirmək və Lenin məqbərəsini bu təlimin simvoluna çevirmək olub.
Məqbərənin tikintisinə 1924-cü il yanvarın 27-də, Leninin dəfn günü başlanmışdır. Birincisi, müvəqqəti taxta konstruksiya quruldu. Memar Aleksey Şusev tərəfindən layihələndirilmiş qranit mərmərdən hazırlanmış bugünkü məqbərə 1930-cu ildə açılıb. Cəsədin mumiyalanması Vladimir Vorobyov və Boris Zbarski tərəfindən həyata keçirilib.
1941-ci ilin iyulunda İkinci Dünya Müharibəsi illərində Leninin cəsədi daha təhlükəsiz yer olan Tümenə aparılıb. Bura kiçik, qeyri-strateji şəhər olduğu üçün nasistlərin hədəfi olmayacağı proqnozlaşdırılmışdı. Liderin cəsədi Tümen Dövlət Kənd Təsərrüfatı Akademiyasında mühafizə olunub, lakin diqqəti cəlb etməmək və onu təhlükəsiz saxlamaq üçün cəsədin harada olması barədə mətbuatda heç bir açıqlama verilməyib. 1945-ci ilin aprelində faşistlərin məğlubiyyəti ilə Leninin cənazəsi yenidən Moskvaya gətirildi.
Mənbə: mail.ru