Bugun.tv xəbər verir ki, Forum tərəfindən müstəqil hüquq firması vasitəsilə aparılan araşdırmanın nəticələrinə əsasən 87 yaşlı K.Şvabın hər hansı ciddi qayda pozuntusuna yol verdiyini sübut edən dəlillər aşkarlanmayıb. Forumun yaydığı rəsmi bəyanatda qeyd olunub ki, şəxsi fəaliyyətlə təşkilat arasında müşahidə olunan cüzi uyğunsuzluqlar məqsədli deyil, əksinə K.Şvabın təşkilata dərin bağlılığını əks etdirir. Qeyd edək ki, bu ilin yaz aylarında ABŞ-ın “Wall Street Journal” nəşrində K.Şvab və həyat yoldaşının maliyyə və etik davranışlarına dair anonim mənbələrə əsaslanan ittihamlar yayımlandıqdan sonra o, rəhbərlikdən müvəqqəti uzaqlaşmışdı. O, ittihamları rədd etmiş və iftira xarakterli məlumatlarla əlaqədar hüquqi prosedura başlamışdı.
Dünya İqtisadi Forumunun qurucusu Klaus Şvaba qarşı irəli sürülən ittihamlar əsassız sayıldı
