Bugun.tv xəbər verir ki, dünyaca məşhur “Anadolu atəşi” fevralın 8-də “Baku Crystal Hall”da səhnəyə çıxacaq.
Ötən ildən qastrol səfərlərinə başlayan komanda bütün dünyanı gəzib. Şou 106 ölkədə 45 milyondan çox tamaşaçı tərəfindən izlənilib. Yeni Zelandiya, Cənubi Koreya, ABŞ, Almaniya, Fransa, İspaniya, İtaliya, Azor adaları, Meksika, Yaponiya, Çili, Çin və s. ölkələrdə səhnəyə çıxıblar. “Anadolu Atəşi” davamlı olaraq dünya səviyyəli tədbirlərdə iştirak edirlər. Bəhreyndə keçirilən Formula 1, Qətərdəki Asiya Olimpiya Oyunları, 2008-ci il Olimpiadaları və Çində keçirilən Asiya Sivilizasiyalarının mədəni karnavalı, İstanbulda UEFA Kubokunun finalında şou göstəriblər.
“Anadolu Alovunun Təkamülü” və “Troya” proqramları ilə sənətçilər dünyanın ən prestijli məkanlarında çıxış edirlər. Nyu Yorkdakı “Madison Square Garden”, “Münhen Olimpiya Salonu”, Pekindəki “Böyük Xalq Zalı” və Paris Konqreslər Sarayında üç dəfə, qədim türk şəhəri Aspendosun amfiteatrında və Misir piramidalarında səhnədə olublar.