Dünyanın ən bahalı lələyi Yeni Zelandiyada satışa çıxarılıb və inanılmaz qiymətə satılıb. Nəsli kəsilmiş Huia quşunun bir tükü 28 min dollar, yəni 1 milyon TL dəyərindədir.
Yeni Zelandiyada nəsli kəsilmiş Huia quşunun tükü Webb’s Auction House-da heyrətamiz qiymətə satılıb. Lələk əvvəlcə 3 min dollara alıcı tapacağı gözlənilirdi. Amma 28 min dollara, təxminən 1 milyon TL-yə satıldı.
Huia quşunun tükü dünyanın ən bahalı lələyi kimi qeydə alınıb. Bu tükün satışına qədər Huia lələyi təxminən 5 min dollara, yəni təxminən 160 min TL-yə satılmışdı.
BBC-nin məlumatına görə, Webb Hərrac Evinin Dekorativ Sənətlər üzrə Meneceri Leah Morris verdiyi açıqlamada Yeni Zelandiyanın yerli xalqı olan Maorilər tərəfindən “müqəddəs” hesab edilən Huia quşuna aid lələklərin “çox yaxşı vəziyyətdə” olduğunu bildirib. “Yaxşı vəziyyətdədir və uzun müddət saxlanıla bilər”.
Yeni Zelandiya Muzeyinin məlumatına görə, Huia quş lələkləri keçmişdə Maori xalqı üçün status simvolu idi, lakin bu quşlar kolleksiyaçıların hədəfinə çevrildi və onların nəsli kəsildi. Huia quşunun sonuncu dəfə 1907-ci ildə görüldüyü təxmin edilir.
Mənbə: TGRT